Í sumar stillum við aftur upp pop-up bás í Lystigarðinum á Akureyri. Sumarhátíð LYST fer fram 17.–19. júlí, en básinn okkar verður á sínum stað laugardaginn 18., frá kl. 13-18. Þetta er annað árið okkar með pop-up bás á hátíðinni, og satt best að segja komum við aftur af einni ástæðu: okkur var svo vel tekið í fyrra að við viljum ekki svíkja sælkerana okkar norðan heiða.
Á okkar borðum verður úrval af því sem fólk kaupir helst hjá okkur í Reykjavík. Það sem þú finnur þar er meðal annars ólífuolía frá Kalios, sardínur og súpur frá La Belle-Iloise, sultur frá Belberry, unaðslegt súkkulaði frá Cluizel og Bonnat og krydd frá Terre Exotique, svo eitthvað sé nefnt. Allt saman eitthvað sem gaman er að smakka og auðvelt að bera heim. Við lofum ekki að hafa allt með í för, en við reynum að velja það sem nýtur sín best í flutningum og blómlegu umhverfi, því öll búðin kemst ekki fyrir í bílnum.
Þetta er umfram allt tækifæri til að hittast. Þú mátt smakka, spyrja hvaðan hlutirnir koma og segja okkur hvað þér finnst. Sjáumst á laugardaginn!
Langar í eitthvað sérstakt?
Þá er tvennt í boði, og hvort tveggja endar á því sama: við komum með það norður og afhendum þér á staðnum. Enginn sendingarkostnaður.
Einfalda leiðin. Skrifaðu okkur á hyalin@hyalin.is og segðu okkur hvað þig vantar. Við tökum það með okkur norður.
Eða pantaðu í vefverslun:
- Pantaðu á hyalin.is.
- Veldu „Sækja“ í greiðsluferlinu (í stað sendingar).
- Sendu póst á hyalin@hyalin.is með pöntunarnúmerinu og láttu vita að þú viljir fá pöntunina afhenta á Akureyri á hátíðinni.
- Við komum með hana norður og afhendum þér á staðnum.
Eitt smáatriði: við þurfum að ná að pakka þessu áður en við leggjum af stað, svo pantaðu í síðasta lagi miðvikudaginn 15. júlí.